lintobaro
Loading...

Pantun Aceh : Tuha Lam Lajang (Jomblo Ngenes)

Kuneng-kuneng pade dalam blang Tapi that sayang ka tulo pajoh Umu katuha hudep lam lajang Cukop that malang judo hantom troh Di p...

jones jomblo ngenes

Kuneng-kuneng pade dalam blang
Tapi that sayang ka tulo pajoh
Umu katuha hudep lam lajang
Cukop that malang judo hantom troh

Di pot angen cot uro timang
Ji poe selayang u langet tujoh
Mebagoe cara kalheh lon paban
Peut boh tunangan ban bandum putoh

Kilat geulanteue meurek-rek awan
Silat oh lhehnyan ujeun pih ji toh
Janji jeulame yoh awai lapan
Sibeuleun lhehnyan meutuka siploh

Ji toh le ujeun hana ji pirang
Leupah that sayang ureung meulampoh
Haek lon pike ulee lon mumang
U bak yah tuan lon lakee tanggoh

Pane ji timoh si aneuk bayam
Jareung ta siram baja tan taboh
Menyo kapeugah keubit lageenyan
Di kah hai agam peutak beu jioh

Neuk jak u sigli ka rhot u calang
Suwah lon riwang arot meulaboh
Ka grak teukeudi bak sidroe Tuhan
Reuoh bak badan han soe sampoh
Pantun 2421244754682269540

Post a Comment Blogger Comments Disqus Comments

emo-but-icon

Home item

Facebook Like

Follow by Email

Kotak Suara Kalian

Stats

Total Pageviews